Ең үлкен жеміс бағы Алматы облысында

Алқапта алма, алша, өрік, шабдалыға дейін өсірілетін болады.

Алматы облысында көлемі 1 мың гектар болатын баққа алғашқы жеміс ағаштары отырғызылды. Еліміздегі ең үлкен жеміс бағы Панфилов ауданындағы Айдарлы ауылының маңына орналасты.

Алқапта алма, алша, өрік, шабдалыға дейін өсірілетін болады. Шамамен 2 миллион түп көшет отырғызылады.

Қазіргі таңда жеміс-жидек алаңын абаттандыру жұмыстары жүріп жатыр. Бақ арнайы торкөзбен қапталып, тамшылату әдісімен суарылады.

Қуаныш ҚАНАТҰЛЫ