Елімізде 8 деңгейлі ұлттық біліктілік жүйесі енгізілмек

Бұл туралы Денсаулық сақтау және әлеуметтік даму министрі Тамара Дүйсенова мәлім етті.


Тамара Дүйсенованың айтуынша, елімізде түлектердің біліктілігін бағалайтын 5 орталық ашылады. Себебі, бізде диплом алғандардың жартысына жуығының білімі жұмыс берушілердің талаптарына сәйкес келе бермейді. Есесіне елімізде жыл сайын 17 мың жұмыс орны бос қалады.

2020 жылға қарай елімізде 550 кәсіби стандарт әзірленеді. 2000-нан астам маман қайта оқытылады. Кәсіби мамандардың біліктілігін жетілдіретін 100 ден аса сарапшы дайындалмақ. Жоба кәсіби-техникалық білім беру жүйесін едәуір жетілдіруге септігін тигізеді, деді министр.

Индира БЕГАЙДАР