Қытай төрағасы Нұрсұлтан Назарбаевты G-20 саммитіне шақырды

Қытай төрағасы Си Цзиньпин Қазақстан Президенті Нұрсұлтан Назарбаевты келер күзде өтетін G-20 саммитіне қатысуға шақырды. Бұл туралы Қытай халық республикасының Қазақстандағы төтенше және өкілетті елшісі Чжан Ханьхуэй мәлімдеген.

«Бір белдеу-бір жол» деп аталатын халықаралық конференцияда Қытай елшісі өз елінің «Үлкен жиырмалық» саммитіне қатысуға Қазақстан Президентін де шақырғанын айтқан. G-20 саммиті 2016 жылдың 4-5 қыркүйегінде Қытайдың Хуанчжоу қаласында өтеді. Биыл G-20 форумына Қытай елі төрағалық жасайды. Осы жолғы форумда «Инновациялық, саламатты, өзара байланысты және инклюзивті жаһандық экономика құру» деген тақырып талқыланады. Бұдан бұрыңғы G-20 саммиті Түркияның Анталия қаласында 2015 жылдың күзінде өткен-ді. Оған Қазақстан Президенті қатысқан жоқ.