Басты Жаңалықтар 16-ға толмағандар әлеуметтік желіге тіркеле алмайды

16-ға толмағандар әлеуметтік желіге тіркеле алмайды

Қазақстанда 16 жасқа толмаған балалардың әлеуметтік желілер мен онлайн-платформаларға тіркелуіне тыйым салынбақ. Бұл туралы Құрылтай отырысында Мәдениет және ақпарат министрі Арман Қырықбаев айтты. Платформа қолданушылардың жасын тексеруге міндеттеледі. Сондай-ақ 5 мыңнан астам жазылушысы бар парақшалардың иелері міндетті тіркеуден өтуі тиіс. Бұдан былай әлеуметтік желілердің Қазақстанда ресми өкілдігі болуы шарт. Сонымен қатар олар заңға қайшы ақпаратты жою туралы талаптарды орындауға міндетті. Бұл өзгерістер Құрылтайда талқыланып жатыр. Мақсат – балаларды зиянды ақпараттан, қауіпті контенттен және интернеттегі әлімжеттіктен қорғау.

Бөлісу