Алматы облысында сапалы ауызсуға қол жеткізе алмай отырған 197 елді мекен бар

Алматы облысында сапалы ауызсуға қол жеткізе алмай отырған 197 елді мекен бар. Бірінде су құбыры мүлдем құрыған, енді бірінде халық суды әлі күнге құдықтан алып ішіп отыр.

Биыл бағдарлама аясында 90 ауылға тіршілік нәрі жету керек. Солардың қатарында Ескелді ауданының бірнеше елді мекені бар.

Теңлік ауылының тұрғындары судың да сұрауы бар екенін жақсы түсінеді. Себебі, бұл ауылда ауызсу небәрі екі сағатқа бөлінеді. Сондықтан, әрбір үй суды жылдамырақ алып алуға тырысады.

70-тей түтіні бар ауыл тұрғындары су сол екі сағатта да кейде болмай қалатынын айтып, реніш білдіруде. Себебі, ауылдың электр желілері ескірген.

Қуаныш ҚАНАТҰЛЫ