Ақтөбеде терапевт дәрігерлер препараттарға заңсыз рұқсат қағаздарын берген

Ақтөбеде заңсыз медициналық қызмет көрсеткен екі дәрігер ұсталды.

Облыс орталығындағы ауруханада істейтін 68 және 53 жастағы терапевттер науқастарға құрамында есірткісі бар дәрілерді алуға рецепт жазып берген.

Сол арқылы есірткіге тәуелділер дәріханадан «Реланиум» және «Брюзепам» препараттарын еш кедергісіз ала алады.

Психотропты дәрілерге рұқсат жазу үшін олар әр адамнан 500-1000 теңге көлемінде сыйақы алыпты.

Ішкі істер қызметкерлері бұл заңсыздықты «Допинг» шарасы кезінде анықтады.

Әлия ТАЛАСОВА