Мал шаруашылығы өркендеуде

Биыл Алматы облысында «Сыбаға» бағдарламасы бойынша 315 мың тонна ет өткізу көзделуде.

Өңірде 3 миллион 200 мың қой, 870 мың ірі қара, 256 мың жылқы, 10 миллион құс және 8 мыңға жуық түйе бар. 166 мың сүтті сиырдың әрқайсысы жылына орта есеппен 2 мың 700 литр сүт береді екен.

«Сыбаға» бағдарламасының шапағатын көріп отырған жанның бірі - Зейнелі Әлиасқаров. Ол бағдарлама арқылы 6 миллон 900 мың теңге алып, мал басын арттырды.

Оның айтуынша, қазіргі таңда мемлекет тарапынан ата кәсіпті жаңғыртамын дегендерге қолдау орасан, ең бастысы ынта болса болғаны, дейді.