Жаңалықтарды Telegram арнамыздан оқыңыз!Еліміздің бірқатар аймағында химиялық қатты қалдықтар бар. Уытты заттар адам өміріне өте қауіпті.
Қатерден құтылу үшін тездетіп іске кірісу керек. Осылай деп бүгін халықаралық сарапшы мамандар дабыл қақты.
2013 жылы Еуроодақ еліміздегі химиялық аймақтарды анықтау үшін жоба әзірлеп, тексерісті бастап кетті.
Ол үшін 332 мың 128 еуро қаржы бөлінді. Сөйтіп, Теміртау, Екібастұз, Балқаш, Нұра маңына сарапшылар зерттеу жүргізді.
Алынған қалдықтарды Еуропада зертханадан өткізді. Нәтижесінде аталған аймақтардың ластанғаны анықталған.
Өткен аптада экологтар қорытындыны Қоршаған ортаны қорғау министрлігіне тапсырған. Енді аймақтарды залалсыздандыру қазақстандық мамандардың мойнында.
Сәкен СЕЙІТХАНҰЛЫ
