Шекарадан заңсыз мұнай өнімін алып өтпек болған Ресей азаматы ұсталды

Батыс Қазақстан облысында  шекарадан заңсыз мұнай өнімін алып өтпек болған Ресей азаматы ұсталды.

Көлік тіркемесінен табылған мұнайдың салмағы - 28 тонна. Тексеру барысында жүргізушіде жүктің заңдылығын нақтылайтын  тиісті құжаттар болмай шықты. Әрі ол тауардың қандай мақсатқа арналғанын да айта алмады.

Қазір автокөлік тіркемесі  ішіндегі мұнайымен бірге тәркіленді. Қаржы полициясы істің мән-жәйын тексеріп жатыр.

Манарбек Қарекенов, 20/29 әскери бөлімінің аға офицері:

Қазіргі уақытта құжаттардың барлығы Қаржы басқармасына тергеуді жалғастыруға тапсырылды. Үстіміздегі жылдың басынан бері қарай шекара қызметі бойынша осындай дерек екінші рет тіркеліп отыр.

Рауан ДИӘЛИ