Жаңалықтарды Telegram арнамыздан оқыңыз!Бүгін Астана қаласының мамандандырылған ауданаралық экономикалық сотында ашық есік күні өтті. Азаматтардың құқықтық біліктілігін көтеру, құқықтық мәдениетті арттыру, тұрғындардың сот жүйесіне деген сенімін күшейту мақсатында ұйымдастырылған шарада барлық келушіге тегін кеңестер берілді.
Ісін жаңадан ашқан немесе қандай да бір заң тұрғысында қиындыққа тап болған кәсіпкерлерге көмек көрсетілді. Сондай-ақ, «Сот кабинеті» сервистері қызметінің жұмысы түсіндіріліп, тұрғындар азаматтық іс бойынша сот процесіне қатысуға мүмкіндік алды.
Мұндай шаралар алдағы уақытта тұрақты түрде өткізіліп тұрады, дейді ұйымдастырушылар.
Руслан ЖЫЛҚЫБАЙ
