Жаңалықтарды Telegram арнамыздан оқыңыз!Ақмола облысында салмағы 1,5 келі болатын есірткі заты тәркіленді. Оқиға Көкшетау қаласының теміржол вокзалында болған.
Полиция қызметкерлері күдікті көрінген азаматты тексеру барысында оның қолындағы пакеттен жасыл түсті гашиш есірткі заты табылған.
Ұсталған азаматқа Қылмыстық Кодекстің 259-бабының 1-ші бөлігі бойынша іс қозғалды.
Айыбы дәлелденген жағдайда 7 жылға дейін бас бостандығынан айырылуы мүмкін.
Күдікті Көкшетау қаласының Ішкі істер басқармасының уақытша ұстау изоляторына қамалды.
Асан Садуов, облыстық ІІД Ұйымдасқан қылмыспен күрес басқармасының басшысы:
Жедел іздестіру шараларын жүргізу барысында 1978 жылы туған Армения азаматы қолға түсті. Қазіргі таңда оған қатысты тергеу амалдары жүргізілуде.
Ерболат ТӨЛЕГЕНҰЛЫ
