Оңтүстікқазақстандық тұрғын абайсызда тоққа түсіп мерт болды

Абайсыздықтың соңы өлімге әкелді. Шымкентте  ер кісі тоққа түсіп қайтыс болды. Оқиға  күндізгі 3-тер шамасында қаладағы жеке тұрғын үйлердің бірінде болған.

Электр жарығы сөніп қала берген соң  үй иесі көмекке көршісін шақыртыпты. 40 жастағы көршісі бағанаға саты қойып көтеріліп, оны өздігінше жөндемек болады.

Жанболат  Рақымов, Шымкент қалалық құтқару жасағының медициналық топ жетекшісі:

Оқиға орнына келгенде оның қайтыс болғанын анықтадық. Арнайы техника мен альпинистік арқандармен байлап, мәйітті төменге түсірдік. Кейіннен Ішкі істер қызметкерлері оның мүрдесін алып кетті. Енді арнайы медициналық  сараптамадан өткізетін болады.

Айнұр АҚБАЕВА