Жаңа ұшақтың таныстырылымы

«Эйр Астана», канадалық «Бомбордир» компаниясының ұшақтарын ел ішіндегі әуе рейстерінде пайдаланбақшы. Осыған орай Астана халықаралық әуежайында «Q400» әуе кемесінің таныстырылымы өтті.

Компания өкілдері көліктің техникалық мінездемесіне тоқталды. 70 орындық ұшақтың басты артықшылығы - еліміздің табиғи жағдайына төзімді келеді. 50 градус ыстық пен 54 градус суыққа төзімді. Ұшып-қону алаңынан тез көтеріліп, жылдамдығын сағатына 667 шақырымға жеткізе алады.

Нұржан Шәкіров, «Эйр Астана» әуе компаниясының президенті:

«Эйр Астана» компаниясы 2015 жылы «Q 400» ұшағының онын сатып алмақшы. Әуе кемесі үнемді, қауіпсіз, тиімді. Осыған орай жолақысы да тұрғындар үшін оңтайлы болады деген сенімдемін.

Рауан ДИӘЛИ