Табиғи монополияларды реттеу агенттігінің төрағасы пара алды деген күдікпен ұсталды (толығырақ)

Қаржы полициясы Табиғи монополияларды реттеу агенттігінің төрағасын ұстады.

47 жастағы Мұрат Оспановқа  пара алды, деген айып тағылып отыр. Ол табиғи монополиялар субъектісіне  көмек және қамқорлық жасап, осы заңсыз қызметі үшін 200 мың АҚШ долларын алған.

Естеріңізге сала кетелік, лауазым иесі агенттікті 2012 жылдан бері басқарады.

Мұрат Жұманбай, ҚР Қаржы полициясының ресми өкілі:

Оспановқа қатысты аса ірі мөлшерде пара алу фактісі бойынша қылмыстық іс қозғалды. Оған бұлтартпау шарасын таңдау мәселесі шешілуде. Қылмыстық іс тергелуде, өзге ақпарат тергеу мүддесіне байланысты жарияланбайды.

Рауан ДИӘЛИ