Жаңалықтарды Telegram арнамыздан оқыңыз!
Мемлекеттік мереке қарсаңында 9 мыңнан астам тұрғыны бар Алатау батыр ауылы табиғи газға қол жеткізді.
Салтанатты жиын барысында Шардара ауданының әкімі Қамытбек Айтөреев ауыл азаматтарын құттықтап, бұл ауқымды жұмысқа мемлекет қазынасынан 1 миллиард 300 миллион теңге қаржы жұмсалғанын жеткізді.
Сондай-ақ, биыл 8 мың тұрғыны бар Көксу ауылдық округіне көгілдір отынның берілетінін мәлімдеп, 2017 жылға дейін ауданның толықтай газбен қамтылатынын айтты. Сонымен қатар ауылды көркейту жұмыстары да, қолға алынған.
Өмірбек Ділдәқыз, ауыл тұрғыны:
Көмір жағып, күл шығарып келдік. Енді көгілдір отынның келуіне байланысты жұмыс жеңілдейді.
Қамытбек Айтөреев, аудан әкімі:
Бұл шара ауданымызда жалғасып келеді. Бүгін Алатау ауылында газ берілді. Қалған ауылдарды газбен 2017 жылға дейін қамтамасыз етеміз.
