Басты Жаңалықтар Алматыда Жамбыл облысының жәрмеңкесі өтті

Алматыда Жамбыл облысының жәрмеңкесі өтті

28.06.2014 05:30

Жамбыл облысының тауар өндірушілері Алматыға көлемі 225 тоннаны құрайтын ауыл шаруашылығы өнімдерін алып келді. Жәрмеңкеге қойылған өнімнің басым бөлігін ет пен сүт құрады.

Азық-түлік бағасы қала нарығындағы бағадан 20 пайыз арзан. Мысалы жылқы еті -1100 теңге, сиыр мен қой еті - 950 теңгеге тұрақтаса, картоп құны - 100 теңгеден аспады.

Экологиялық таза өнімдерді қапшықтарына толтырған тұрғындар түс ауа ең жас аудан Алатаудың 6 жасқа толған мерейтойына ағылды.

Әлеуметтік әлеуеті жақсарған аудан қазір ұлттық спортты дамытуды мықтап қолға алған. Бүгін аламан бәйге ұйымдастырып, Алматы, Оңтүстік Қазақстан облысы мен Қырғыз елі шабандоздарының басын қосты.

Бас бәйгеге тігілген 3 шетел автокөлігін 18 шақырымда Алматы мен Жамбыл облысының бабы келіскен сәйгүліктері бөлісті.

Айгүл ЕРМАХАН

Бөлісу