Басты Жаңалықтар «Мерейлі отбасы» байқауы қыркүйекте аяқталады

«Мерейлі отбасы» байқауы қыркүйекте аяқталады

25.06.2014 05:30

Алдағы қыркүйекте еліміздегі үздік отбасылар марапатталады. Қазір «Мерейлі отбасы» ұлттық байқауының екінші кезеңі аяқталды.

Бұл туралы Президент жанындағы Әйелдер істері және отбасылық-демографиялық саясат жөніндегі ұлттық комиссияның өкілдері хабарлады.

«Мерейлі отбасы» байқауының облыстық, аудандық деңгейдегі кезеңдеріне 500-ден астам отбасы қатысып, олардың ішінен 16-ы республикалық байқауға жолдама алған екен.

Ақтық сын Астанада Отбасы күні мерекесі қарсаңында, дәлірек айтсақ, қыркүйектің 12-і күні өтеді.

Гала-концертте республиканың әр өңірінен келген өнегелі отбасылар марапатталып, шара отандық телеарналардан көрсетіледі.

Ұйымдастырушылар әзірге байқаудың жүлде қорын құпия ұстап отыр.

Махаббат Бекбосынова, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрайымы:

Үміткерлердің ішінде өнегелі отбасылар көп. Мысалы, Ақмола облысының Мұқашевтер отбасының ортақ педагогикалық еңбек өтiлi 300 жылдан асады. Ақтөбелік Түсiпқалиевтер - медициналық династия. Олардың 340 жылға жуық ортақ еңбек өтiлi бар. Алматы облысында Есхожиндер әулеті 340-тан астам баланы асырап алып, Елбасының қолынан сыйлық алған. Байқау мақсаты жеңімпазды анықтау емес, өнегелікті үлгі ету.

Дулат АБИБУЛЛАЕВ

Бөлісу