Жаңалықтарды Telegram арнамыздан оқыңыз!Еліміздің батыс өңірінде автожол мәселесі шешілмей келеді. Күні бүгінге дейін Ақтөбе-Атырау автожолының құрылысы қаржыландырылмаған. Ақтау-Атырау автожолының Бейнеу-Шетпе учаскесіндегі қайта құру жұмыстары аяқталмаған.
Бұл туралы Мәжілісте өткен отырыста мәлім болды. Мамандардың айтуынша, Астрахань-Атырау-Ақтау-Түркіменстанмен шекарасына дейін халықаралық бағытымен жүк тасымалдау әлі толықтай жүзеге аспай келеді.
Ал Ақтөбе мен Атырау арасында автотранспорттық қатынас мүлдем үзілген.Автожолдың жөнделмегеніне 30 жылдан асты.Күрмеуі көп күрделі мәселені депутаттар тез арада шешу керек, дейді.
Гүлнар Сейтмағанбетова, ҚР Парламенті Мәжілісінің депутаты:
Жолды қалыпты ұстауға тиісті қаражат бөлініп тұрса. Ал, бүгінде бұл мәселе оң жолға қойылмаған. Содан кейін аз уақыттың ішінде жолдардың сапасы төмендейді де, оны қайтадан жөндеуге тура келеді.
Индира БЕГАЙДАР
