Басты Жаңалықтар Ас тұзының бағасы арзандайтын болды

Ас тұзының бағасы арзандайтын болды

18.06.2014 08:00

Елімізде тұз өндірісі қарқынды дамыған аймақтардың бірі – Павлодар. Бірақ, дүкендер мен базарларда жергілікті өнім күрт азайып, ас тұзының бағасы шарықтап кетті. Өйткені, тауар Қазақстанның басқа аймақтарынан әкелініп жатыр.

Өңірде жылына 70 мың тоннаға дейін тұз өндіріледі. Алайда, ол өнім негізінен экспортқа жөнелтіледі. Сондықтан, жергілікті биліктің араласуымен тұз өндіруші кәсіпорын әлеуметтік сала алдындағы жауапкершілікті ұстанатын болды.

Алтын Нұралина, қала тұрғыны:

Көбіне іздейтініміз Павлодардың тұзы. Дүңгіршектерде жоқ. Ет тұздауға, көкөніс тұздауға көбінесе, соны алатынбыз бұрын.

Игорь Коровицын, «Павлодартұз» ЖШС-нің бөлім басшысы:

Біз «Павлодар» әлеуметтік-кәсіпкерлік кәсіпорынымен келісім шарт жасадық. Соған сәйкес, бүгіннен бастап ас тұзын әлеуметтік бағыттағы сауда орындарына жібере бастадық. Шет аймақтардан келетін тұздан бағасы 16 пайызға арзан болады.

Болат АМАНБАЕВ

Автор

Болат Аманбаев

Бөлісу