Жаңалықтарды Telegram арнамыздан оқыңыз!Қазақстан Республикасының Конституциялық кеңесі Азаматтық кодекстің 218-ші бабының 6- тармағын заңды деп таныды. Бұл туралы мекеме басшысы Игорь Рогов мәлім етті.
Бұған дейін, Қарағандының облыстық соты Конституциялық кеңеске таласты норманың басты заңға сәйкес келмейтінін растау туралы өтініш білдірген болатын.
Мамандардың айтуынша, осыдан 20 жыл бұрын қабылданған Заң жобасының 218-ші бабы 6-шы тармағында қателік кеткен.
Тармаққа сәйкес шығарылатын соттық шешімдер азаматтардың мүлікке қатысты істеріне зиянын келтіруі мүмкін деген.
Бұған Қарағанды облысында орын алған пәтер дауы дәлел. Аймақта 1 баспананы 3 заңды тұлға бөліп ала алмаған. Ал сот 3 азаматтың құқығына зиян келтірмейтіндей тиімді шешім шығара алмай, тығырыққа тірелген.
Жалпы 1994 жылдан бері қолданыстағы тармақ бойынша осы оқиғаға ұқсас 100-ден астам іс қаралыпты.
Игорь Рогов, ҚР Конституциялық кеңесінің төрағасы:
Қазақстан Республикасы Азаматтық кодексінің 218-ші бабының 6-шы тармағы ҚР-ның Конституциясына сәйкес деп танылсын.
Сәуле АЛДАМҰРАТҚЫЗЫ
