Басты Жаңалықтар Астанадағы қарттар үйінде «Махаббатпен, мейірімді қолдардан» акциясы өтті

Астанадағы қарттар үйінде «Махаббатпен, мейірімді қолдардан» акциясы өтті

11.06.2014 05:30

Қарияларға қайырымды іс. Бүгін Астанада қарттар үйінің 300-ге жуық тұрғынына тегін шаштараз қызметі көрсетілді.

Игі шара «Махаббатпен, мейірімді қолдардан» акциясы аясында жүзеге асты.

Оған қалалық «Менеджмент және бизнес колледжінің» 5 оқытушысы мен 40-қа тарта оқушысы қатысты.

Айым Бегалиева, Астана қаласы Менеджмент және бизнес колледжінің студенті:

Бұл адамдарға көмек көрсеткенде, жылулық сыйлауға тырысамыз. Осыны аз да болсын, сездіруге тырысамыз.

Қариялардың шашын өздерінің қалауынша алып берген ұл-қыздар шаштараз өнері және сәндік косметика мамандығын меңгеріп жатқан студенттер.

Олардың айтуынша, бұл акция қарттар үйінде осымен үшінші рет өтіп отыр.

Александр Подопригора, қарттар үйінің тұрғыны:

Соңғы рет 9-мамыр - Жеңіс күні қарсаңында өткен. Жалпы, бұл акция жиі болып тұрады бізде.

Гүлзира Ахметова, қарттар үйінің тұрғыны:

Иә, өткен жолы келген. Сол кезде әдемі, сәнді шаш үлгілерін жасаған. Мен де қызығып, жасатып алдым.

Айдана ҮСЕНБАЙ

Бөлісу

Сондай-ақ оқыңыз