Басты Жаңалықтар Астана мен Қарағандыда ескі ұялы телефонға арналған жәшіктер ашылды

Астана мен Қарағандыда ескі ұялы телефонға арналған жәшіктер ашылды

06.06.2014 08:30

Бүгіннен бастап, Астана мен Қарағанды қаласында ескі телефондарды жинайтын жәшіктер орнатылды. Контейнерлер электрондық техникалар сататын дүкендерге қойылған.

Экобоксқа электрондық қалдықтарды, яғни, бұзылған телефондар, батарея, құлаққап, қуаттайтын құрылғыларды салуға болады. Бұл шараның қоршаған орта мен адам үшін берері мол.

Себебі, аталған электронды құралдардың құрамында көптеген улы зат бар көрінеді.

«Сондықтан, оларды арнайы зауыттарда өртеу керек»,- дейді мамандар. Арнайы контейнерге жиналған құралдар Қытайға экспортталады. Ал, ескі телефонның орнына сол жерден арзандатылған телефон ала аласыз.

Айдар Махамбет, ҚР ҚОСРМ қалдықтарды басқару департаменті директорының міндетін атқарушы:

Астана мен Алматы қалаларында қабылдау пункттері бар. Бұл пункттерде тек қана құрамындағы әртүрлі металдар бөлініп, әрі қарай экспортталады. Ескі телефоныңызды әкеліп, 20 пайыздық дисконт арқылы жаңа телефон сатып алуға болады.

Сәуле АЛДАМҰРАТҚЫЗЫ

Бөлісу