Басты Жаңалықтар Алматы көшелеріне гүлден жасалған композициялар қойылды

Алматы көшелеріне гүлден жасалған композициялар қойылды

06.06.2014 05:30

Алматы тұрғындары мен қонақтары биіктігі 15 метрге дейін жететін кәдімгі гүлден жасалған түрлі алып композицияларды қала көшелерінен күнде көріп жүр.

Қаланы тек гүлмен сәндеуге жыл сайын 1 миллиард теңгеге жуық қаржы бөлінсе, биыл мегаполисте гүлден жасалған 13 композиция мен конструкцияларды орнатуға 1 миллиард 140 миллион теңге жұмсалған.

Бұл сома гүлдер мен конструкцияларды сатып алуға, дизайнына және оларды 1 жыл бойы күтіп-баптауға жұмсалады.

Композициялар Кореядан әкелінгенімен, гүлдер - қазақстандық. Ерекшелігі - суғару жүйесінде. Бұл гүлдер арнайы әдіс арқылы 2 сағат сайын автоматты түрде қосылатын су бұрқақтарымен суарылады. Кешкі уақытта жарық шамдар қосылып, қала көркіне сән қосады.

Аяулым Қарсақбаева, гүл бағбаны:

Конструкциялардың тағы бір ерекшелігі - қыстың кезінде де әдемі шамдарды қосып, көре аласыз.

Тоғжан ЖАЛҒАСБЕКҚЫЗЫ

Бөлісу