Басты Жаңалықтар Сотқа шағымды онлайн режимінде беруге болады

Сотқа шағымды онлайн режимінде беруге болады

05.06.2014 08:30

Енді кез келген азамат арыз-шағымдарын сотқа онлайн режимінде бере алады. Бұған қоса, мемлекеттік алымдарды да ғаламтор арқылы төлеу мүмкіндігіне ие болады. Бұл туралы бүгін Жоғарғы сот жанындағы Соттардың қызметін қамтамасыз ету департаментінің басшысы Ілияс Испанов мәлімдеді.

Оның айтуынша, маусым айының 9-нан бастап сот хабарламалары SMS және электронды пошта арқылы жіберіледі. Бұл жүйе мемлекет қаржысы мен азаматтардың уақытын үнемдейді.

Мәселен, бір сот хабарламасына 350 теңге жұмсалса, SMS-хабарламаға орта есеппен 4 теңге шығын кетеді.

Айта кету керек, «Сот құжаттарымен танысу» сервисі логин, құпиясөз, ЖСН-ді енгізу арқылы электронды сот құжаттарын көруге арналған. Логин мен құпиясөзді сот процесіне қатысушы азамат өзінің ұялы телефонына немесе электронды поштасына келіп түскен электронды хабарлама арқылы біле алады.

Ләззат БЕКТАС

Бөлісу