Басты Жаңалықтар Астанада қайырымдылық аукционы өтті

Астанада қайырымдылық аукционы өтті

05.06.2014 08:30

Бүгін Астанада онкологиялық ауруға шалдыққан балалар үшін қайырымдылық аукционы өтті. Оған 12 қылқалам шеберінің туындылары қойылды. Аукционнан жиналған қаражат 30 миллион теңгеге жуықтады.

Саудаға түскен картиналардың ең арзаны жүз елу мың, ал ең қымбат суреттер топтамасы он бір жарым миллион теңгеге бағаланды. Енді, қомақты қаражат қатерлі ісікті емдеу орталықтарына жөнелтіледі.

Айта кетейік, елімізде жыл сайын 600-ге жуық бала аққан ауруына шалдығады. Оның 7 пайызы 1-жасқа дейінгі балғындар.

Серік Сұлтанғали, «Бірлік» партиясының төрағасы:

Аукционға келіп атсалысып жатқан жандарға алғысым шексіз. Себебі, мұндай жағдайға бей-жай қарауға болмайды. Бұл балалар біздің көмегімізге мұқтаж. Ал, оларға қолдан келген көмекті көрсету әрқайсымыздың парызымыз.

Айдана ҮСЕНБАЙ

Бөлісу