Басты Жаңалықтар Атырауда «Бекіре-2014» іс-шарасы қорытындыланды

Атырауда «Бекіре-2014» іс-шарасы қорытындыланды

05.06.2014 09:30

Атырау облысында «Бекіре-2014» жедел алдын-алу іс-шарасының көктемгі маусымы аяқталды. Екі айға созылған акция барысында өңірдегі барлық деңгейдегі құзырлы органдардың қырағылығы күшейтілді.

Нәтижесінде балықты заңсыз аулаған, оны тасымалдаған және сатумен не сатып алумен айналысқан бір мыңдай заңбұзушылық анықталды. 899 адам әкімшілік жауакпершілікке тартылды.

Сондай-ақ, шара кезінде 140 қылмыстық іс қозғалып, оның 51-і сотқа жолданды. Заңды аттап, пайда тапқысы келетін браконьерлерден 27 тоннаның үстінде балық және оның өнімдері тәркіленді. Оның 1 тоннадан астамы бекіре тұқымдас балықтар, 18 келісі қара уылдырық.

Сондай-ақ, заңды бұзушылардан 176 суда жүзу құралы мен 1200 дана ау құралы алынды. Бұған қоса, ел ішіндегі браконьерлер азаймай тұрғанда, шекарамыздан заңсыз өтіп, балық аулайтын ресейліктер тағы бар. Өткен жылмен салыстырғанда олардың қатары арта түскені анықталып отыр.

Бауыржан Абсаматов, ҚР ҰҚК ШҚ 20/16 әскери бөлімшесінің командирі:

Бірлесіп өткізген операцияның бірінші кезеңінде заң бұзған 70 адам ұсталды. Оның арасында Ресей Федерациясының азаматтары – 24, Қазақстан Республикасының азаматтары - 46. Олардың барлығы жауапкершілікке тартылды.

Батырбек ҚУАНДЫҚҰЛЫ

Бөлісу