Жұлдыздың орнында Күн мен Ай болған - Ж.Мәлібеков

Қазақстан Республикасының мемлекеттік рәміздері күніне орай Көкшетау қаласына Елтаңбаның авторы Жандарбек Мәлібеков келді. Еңбегімен халыққа жақсы таныс сәулетші жастармен кездесіп, оларға мемлекеттің нысандардың маңызы жайлы түсіндірді.

 

Оның ішінде, көпшілікке беймәлім Елтаңбадағы бейнелердің мән-мағынасына тоқталды. Мәселен, Елтаңбадағы пырақтың мүйізіндегі жеті сақина жеті атасын білген қазақ халқының тектілігін білдіреді.

 

Ал, пырақтың үш үлкен және үш кішкентай қанаты – көнедегі үш жүздің халқы мен қазіргі ұрпақтың сабақтастығын аңғартады.

 

Сондай-ақ, автордың айтуынша, бекітілмей тұрып бұл Елтаңбадағы жұлдыздың орнында Күн мен Ай болған екен.

 

Жандарбек Мәлібеков, Қазақстан Республикасы Елтаңбасының авторы:

Қазақ халқында сөз бар, әрбір адамның өзінің жарық жұлдызы болады. Сондықтан тәуелсіз мемлекетіміздің өзінің жарық жұлдызы болсын деген ниет бұл жұлдыз, ешқандай дінмен, ешқандай саясатпен араластырудың қажеті жоқ.

 

Қазақтың көзқарасымен тікелей байланыстыруымыз керек деген оймен Елбасының өзі қойған жұлдыз. Сондықтан мен айтар едім, ол кісінің тікелей таңдауы, тікелей өзінің қолтаңбасы.

 

 

Ерболат ТӨЛЕГЕНҰЛЫ