Басты Жаңалықтар Астанада «Ана, мен сені күтемін!» атты акция өтті

Астанада «Ана, мен сені күтемін!» атты акция өтті

02.06.2014 12:30

Балғындардың мерекесі барлық бүлдіршінге ортақ. Сондықтан, осы күні бірде-бір бала назардан тыс қалмады. Мәселен, Астанада ата-ана қамқорлығынсыз қалған балаларға арналған «Ана, мен сені күтемін!» атты акция өтті.

Оған Астана қаласы жастар мәслихатының 50-ге жуық депутаты қатысты. Олар балалар үйінде тәрбиеленіп жатқан балғындардың фотосуреттерін алып, Есілдің бойымен бірнеше шақырым жерді жүріп өтті. Ал, жол-жөнекей өзен бойында серуендеп жүрген балғындарға шар таратты.

Ақерке Жұманбаева, Астана қаласы жастар мәслихатының хатшысы:

Бұл акцияның негізгі мақсаты - балалар үйіндегі ата-ана мейірімінсіз қалған бүлдіршіндерге қоғамның назарын аударту.

Айдана ҮСЕНБАЙ

Бөлісу