Басты Жаңалықтар Ақмола облысында тәркіленген заңсыз заттар жойылды

Ақмола облысында тәркіленген заңсыз заттар жойылды

02.06.2014 09:30

Ақмола облысында Заң бойынша казино мен ойын автоматтары залын ашу тек Щучье-Бурабай курорттық аймағында рұқсат етілген.

Алайда, бұл ережеге бағынбай, заңсыз жолмен ойынхана ашып жатқандар кездеседі.

Осыған байланысты Қаржы полициясының қызметкерлері облыс бойынша жедел іздестіру шараларын жалғастыруда.

Былтыр Көкшетау қаласындағы мейрамханаларда заңсыз жолмен казино ашқаны үшін Исмагулов есімді азамат қолға түскен. Жақында қалалық сот шешімі шығып, оған 50 айлық есептік көрсеткіш көлемінде айыппұл салынды.

Сондай-ақ, Қаржы полициясы тәркіленген екі покер ойынына арналған үстел мен 1377 фишканы қоқыс төгетін полигонда жойды.

Қуат Мұхамеджанов, Ақмола облысы Экономикалық қылмыс және сыбайлас жемқорлыққа қарсы күрес департаментінің баспасөз қызметінің жетекшісі:

Бұдан басқа жедел іздестіру шаралары бойынша алынған жалған акциз маркалары мен түрлі дайындауыш заттардың 4000 жәшік көлемінде алкоголь өнімдері жойылды.

Ерболат ТӨЛЕГЕНҰЛЫ

Бөлісу