Басты Жаңалықтар Аудандық ішкі істер бөлімінің басшысы парамен ұсталды

Аудандық ішкі істер бөлімінің басшысы парамен ұсталды

24.04.2014 08:00

Атырау облыстық Экономикалық қылмысқа және сыбайлас жемқорлыққа қарсы күрес департаментінің қызметкерлері Исатай аудандық ішкі істер бөлімінің бастығын парамен ұстады.

Лауазымды полицей жалпы қамқорлығы және бекіре тұқымдас балықтарды аулау кезінде әрекет жасамауы үшін 250 мың теңге және 3 келі қара уылдырық алу кезінде қолға түсті.

Қазір оның үстінен қылмыстық іс қозғалды. Айта кету керек, Исатай ауданы балықты заңсыз аулайтын браконьерлер көп шоғырланған аймақ.

Заңғар Заңқанов, облыстық Экономикалық қылмысқа және сыбайлас жемқорлыққа қарсы күрес департаменті басшысының орынбасары:

Қазақстан Республикасы Қылмыстық Кодексінің 311 бабының 2 бөлімімен, яғни, пара алу дерегіне сәйкес Исатай аудандық ішкі істер бөлімінің бастығына қатысты қылмыстық іс қозғалды. Қылмыыстық іс тергелуде. Өзге ақпарат тергеу мүддесіне байланысты жарияланбайды.

Батырбек ҚУАНДЫҚҰЛЫ

Бөлісу