Басты Жаңалықтар Қызылордада уланған сарбаздарға диагноз қойылды

Қызылордада уланған сарбаздарға диагноз қойылды

18.04.2014 12:30

Қызылорда облыстық жұқпалы аурулар ауруханасында ем қабылдап жатқан 27 сарбазға «жұқпалы іш ауруы» диагнозы қойылды.

Бұған дейін хабарлағанымыздай, осы өңірдегі 55/47 Ішкі әскер бөлімінде борышын өтеп жүрген 52 жауынгер кенеттен ауырып, емдеу орнына жатқызылған болатын. Араға 5 күн салып, кеселдің қоздырғышы анықталды.

Ұшынған сарбаздардың алды ауруханаға 13-сәуірде жатқызылып, тиісті сынамалар алынған.

Қарақөз Балабекова, облыстық жұқпалы аурулар ауруханасының бас дәрігері:

27 сарбаздың зертханалық сынамаларының қорытындысымен науқастарға «дизентерия» диагнозы қойылды. Сарбаздар ем қабылдауда.

Қалған 25 сарбаздың диагнозы бүгін кешке белгілі болады.

Ақерке БЕРІКБЕКҚЫЗЫ

Бөлісу