Басты Жаңалықтар Қостанайда 13 адам астан уланып ауруханаға түсті

Қостанайда 13 адам астан уланып ауруханаға түсті

15.04.2014 05:30

Қостанайда 13 адам астан уланып, ауруханаға түсті. Болжам бойынша олардың барлығы жапондық мейрамханада тамақтанған соң өздерін жайсыз сезінген. Науқастар бір күнде емес, бұл дәмханаға сәуірдің 9-ы мен 11-і аралығында келгендер. Ас ішіп шыққан соң олардың жүрегі айнып, қызуы көтерілген.

Дәрігерлер бәрінен ішек инфекциясы анықталғанын хабарлады. Жергілікті Тұтынушылар құқығын қорғау департаменті мамандары қазір адамдардың нақты неден ұшынғанын тексеруде. Ал дәмхана, «суық су жоқ» деген желеумен жұмысын уақытша тоқтатқан. Алайда оны тексеріп, шара қолдануға әзірге құзырлы орындардың құқы жоқ.

Гүлсім Мәруарқызы, қалалық Тұтынушылар құқын қорғау басқармасының бас маманы:

Жеке мекемелерді тексеруге мораторий жарияланғандықтан, біз кафені тексере алмаймыз. Өйткені бізге рұқсат жоқ. Рұқсатты бізге Бас прокуратура ғана береді. Қазір Бас прокуртураға тексеруге рұқсат алу үшін болған оқиға туралы мәліметтерді жазып жібердік.

Дәуренбек ӘБДІБЕК

Автор

Дәуренбек Әбдібек

Бөлісу