Басты Жаңалықтар Парламенттегі әйелдердің үлесі 26 пайызды құрайды

Парламенттегі әйелдердің үлесі 26 пайызды құрайды

11.04.2014 05:30

Қазақстанда бюджеттік сала қызметкерлерінің 50 пайызын, Парламенте 26 пайызын, ал кейбір облыстық мәслихаттарда 25 пайызын әйелдер құрайды. Ауыл әкімі болған әйелдер саны да артып келеді.

Ал, еліміздегі қабылданған гендерлік стратегияның арқасында соңғы 4 жылда тұрмыстағы зорлық-зомбылық пен қылмыс екі есеге азайған.

Бүгін Алматыда «Әйелдер саясат әлемінде» деген атпен еліміздегі гендерлік теңдік пен саясаттағы әйелдер мәселесін талқылауға арналған семинар өтті. Екі күнге созылатын жиында шетелден келген сарапшылар да өз тәжірибелерімен бөліседі.

Айткүл Самақова, ҚР Парламенті Мәжілісінің депутаты:

Еліміздегі 2006-2016 жылдарға арналған гендерлік саясат өз деңгейінде орындалуда деп ойлаймын. Бүгінгі таңда әйелдер елдегі саяси, әлеуметтік-экономикалық салаларда белсенді қызмет атқаруда. Енді тек қабылданған Заңдарды жүзеге асыру міндеті тұр.

Тоғжан ЖАЛҒАСБЕКҚЫЗЫ

Бөлісу