Басты Жаңалықтар Жамбылдық пошташыларға жаңа автокөліктер берілді

Жамбылдық пошташыларға жаңа автокөліктер берілді

25.03.2014 08:30

Жамбыл облысында пошта қызметінің сапасы анағұрлым жақсара түсті. Ауыл-аймақтағы байланыс бөлімшелеріне Наурыз мерекесінде жаңа 24 қызметтік автокөлік берілді.

Бұл техникалардың арқасында енді шалғайдағы ауылдарға аптасына 5 рет хат-хабарламалар, сәлемдемелер жеткізілетін болады. Ал оларды апару уақыты бір күнге қысқарып отыр. Сондай-ақ, инкассаторлық қызметке берілген 5 көліктің арқасында зейнетақы, өзге де төлемдерді тасымалдау кезінде болатын қауіп-қатерлер азайды.

Ал өңірдің орталығынан алыс жатқан Мойынқұм және Сарысу аудандарына «УАЗ» көлігіне орнатылған пошта байланысының жылжымалы бөлімшесі табысталды. Оның іші орталық бағдарламаға қосылған компьютермен жабдықталған.

Әлихан Ысқақов, «Қазпошта» АҚ Жамбыл облыстық филилының директоры:

Ал жылжымалы пошта бөлімшелері шалғай ауылдарға қызмет көрсетуге арналған. Ол кез келген ауылға барып, пошта қызметін көрсете алады.

Ғани ҚАЛМАХАНОВ

Автор

Ғани Қалмахан

Бөлісу