Қазақстандық патриотизм - ел болашағының іргетасы

Жаңа қазақстандық патриотизмнің идеялық негізінде ел болашағының іргетасын қалаған басты құндылықтар жатыр. Осы құндылықтарымызды қастерлеу арқылы мемлекет әлі де биік белестерді бағындыра алады.

 

Қазақстан Республикасы Қорғаныс министрлігінің өкілдері жетісулық жастармен кездесуінде негізгі әңгімені осы тақырыпта өрбітті. Елбасының биылғы Жолдауын түсіндіруге келген үгіт-насихат тобы өскелең ұрпақты өз Отанының патриоты болуға шақырды.

 

Туған жерді, елді сүю, Отанды қорғау, оған қалтқысыз қызмет ету. Бұл - бүгінгі Қарулы күштер қатарындағы жауынгер мен әрбір шенді офицердің мақсаты. Алматы облысындағы әскери бөлімдер тығыз орналасқан қалаларды аралап жүрген үгіт-насихат тобының құрамында әскери оркестр мен жеке орындаушылар өнер көрсетті. Концерттік бағдарламада негізінен патриоттық әндер орындалды.