Жаңалықтарды Telegram арнамыздан оқыңыз!Алғашқы қадам. Петропавлда Наурыз мейрамы қарсаңында жетімдер үйіндегі 4 бүлдіршіннің тұсауы кесілді. Бұл акцияны өткізуге облыстық ақсақалдар кеңесі мұрындық болған.
Қалалық әкімдік пен Қазақстан Халқы ассамблеясының өкілдері бас қосып «Ұлық мереке қарсаңында аяғын басқан баланың қадамы құтты болады» деген ырыммен қазақтың ғұрпын жасады.
Наурыз тойы бүгінде Қазақстанды мекен ететін ұлттардың бәріне ортақ. Қонақтар құрқол келмей бүлдіршіндерге сыйлықтар тарту етіп, мәз қылып тастады. Ал әжелер шашу шашты, балаларды тәттіге кенелтті.
Сапура қажы Тәшенова, облыстық ақсақалдар кеңесінің мүшесі:
Тұсауың кесілді, байлауың шешілді дейді екен. Бұрынғы уақытта тұсауын кескенде қадамың сәтті болсын, жолың ашық болсын деп тілек айтқан. Соны істеп, шашуымызды шашып, Меккеден келген зәмзәм суымызбен беттерінен сипап тілек тіледік. Бақытты болсын, елімізде мұндай балалар көп болмасын, қарттар үйі жабылсын.
Сағындық СӘБИТҰЛЫ
