Басты Жаңалықтар Көлік контрабандасы анықталды

Көлік контрабандасы анықталды

13.03.2014 05:30

Еліміздің шығыс аумағына жүк көліктерін заңсыз жолмен әкелмек болған топ ұсталды. Қолға түскендер қазақ-қытай шекарасындағы «Майқапшағай» кеден бекеті арқылы елімізге 7 жүк көлігін кіргізген.

Жедел іздестіру шаралары барысында бұл техниканы кедендік ресімдеуден өткізу кезінде жалған құжаттар қолданылғаны анықталды. Мамандардың есебінше, жүк көліктерінің жалпы кедендік құны 43 миллион теңгеден асады.

Мұндай қылмыстық әрекетті Қазақстан және Қытай азаматтары бірлесіп жүзеге асырған. Аталған дерекке қатысты қылмыстық іс қозғалды.

Ермек Тоқтаубаев, облыстық Кедендік бақылау департаменті Контрабандаға қарсы күрес басқармасының қызметкері:

«Еуро 4» экологиялық стандартына сәйкес келмейтін көлік құралдарын әкелу фактілері анықталып отыр. Осы факті бойынша ҚР Қылмыстық Кодексінің 209-бабы, 1,2-тармақтары бойынша қылмыстық іс қозғалып, тергеу амалдары жүргізілуде.

Берік КӨШЕРБАЕВ

Бөлісу