Жаңалықтарды Telegram арнамыздан оқыңыз!Атырау облыстық Экология департаменті Қашаған кен орнын игеріп жатқан «Аджип ККО» және «NCOC» компанияларына жоспардан тыс тексеру жұмыстарын жүргізіп, олардың ауаны ластауынан қоршаған ортаға келтірілген шығынды анықтады.
Экологтардың есебінше, ірі мұнай мекемелері қоршаған ортаға 134,2 миллиард теңге көлемінде залал келтірген. Ауаның ластануына теңізден құрлыққа, яғни «Болашақ» зауытына тартылған газ құбырының жарылуы себеп болған. Соның салдарынан күкіртті сутектің ауада жайылуы орын алды.
Тексеріс нәтижесі көрсеткендей, апаттан кейін, яғни 2013 жылдың қыркүйек және қазан айларында құбырдағы қышқыл газдың қалғаны зауыт және аралдағы алау құрылғыларында жағылғаны анықталды. Белгіленген көрсеткіштен артық жағылған улы газдың көлемі 2 миллион 795 мың 149 текше метрді құраған.
Батырбек ҚУАНДЫҚҰЛЫ
