Басты Жаңалықтар Үшемдердің отбасына автокөлік берілді (ВИДЕО)

Үшемдердің отбасына автокөлік берілді (ВИДЕО)

07.03.2014 12:30

Сыр елінің бір топ аналарына, сан алуан салада абыройлы еңбек етіп жүрген қыз-келіншектерге құрмет көрсетілді. Олардың арасында еңбектің наны тәтті болатындығын ерте-ақ дәлелдеген Социалистік Еңбек Ерлері Шырынкүл Қазанбаева мен Сәлима Жұмабекова да бар.

«Аймақтың бетке ұстар бұл аналары отбасы мен жұмысты қатар алып жүріп, ел үшін тер төкті. Сондықтан, оларға қандай құрмет көрсетілсе де лайықты», деп атап өткен облыс әкімі Қырымбек Көшербаев олардың әрқайсысына сый-сыяпат жасады.

Ал осыдан бірнеше күн бұрын үшем туылған екі отбасына автокөліктің кілтін табыс етті.

Сәбит Мелденов, үшемнің әкесі:

Бұл - жалғыз менің ғана емес, бүкіл Сыр елінің қуанышы. Осындай қуаныш әр отбасында бола берсін. Облыс әкімі шақырып, құттықтап жатыр. Рахмет айтамын.

Жаңабек Қалиев, үшемнің әкесі:

Келіншегім бала күтімімен үйде отыр. Өзім келіп отырған жайым бар. Қазақстан халқының санын көбейте береміз.

Ақерке БЕРІКБЕКҚЫЗЫ

Бөлісу