Басты Жаңалықтар Атыраудағы мұнай өңдеу зауыты қоршаған ортаға зиян келтірді

Атыраудағы мұнай өңдеу зауыты қоршаған ортаға зиян келтірді

06.03.2014 08:30

«Атырау мұнай өңдеу зауыты» ЖШС-ы шикі қышқыл газды алау құрылғысында белгіленген мөлшерден асыра жағудың салдарынан қоршаған ортаға 23 миллиард 700 миллион теңге көлемінде залал келтірген.

Атырау облыстық прокуратурасы жергілікті Экология департаментінің мамандарын қатыстыра отырып, бір айға жуық жүргізген жоспардан тыс тексеру қорытындысы бойынша осындай ұйғарым жасады.

Яғни, зауытқа ауаны ластаудан келтірілген залалдың орнын толтыру жөнінде талап қойып отыр. Қазақстан Республикасының «Әкімшілік құқық бұзушылық туралы» Кодексінің талаптарына сәйкес, тексеру нәтижелері бойынша әкімшілік іс қозғалды.

Аслан Нұрғалиев, облыстық прокуратураның ресми өкілі:

Тексеру қорытындысы бойынша, Экология департаментіне залалды есептеу және кінәлі тұлғалардың жауапкершіліктерін шешу үшін прокуратурамен ұсыныс енгізілді. Осыған сәйкес, «Атырау мұнай өңдеу зауыты» ЖШС-на 23,7 миллиард теңге мөлшерінде қоршаған ортаға келтірілген залалды өтеу туралы ұйғарым берілді.

Батырбек ҚУАНДЫҚҰЛЫ

Бөлісу