Басты Жаңалықтар Өскеменде спорт кешені пайдалануға берілді

Өскеменде спорт кешені пайдалануға берілді

20.03.2014 08:30

Өскемен қаласында Олимпиада чемпионы Ольга Рыпакованың атындағы жеңіл атлетика манежі пайдалануға берілді. Орталықта жеңіл атлетика спортымен қысы-жазы айналысуға барлық жағдай жасалынған.

Бүгінде Шығыс Қазақстан облысында салауатты өмір салтын ұстанған адамдардың саны 350 мыңға жеткен. Соңғы бес жылдың ішінде 150 спорт кешені халық игілігіне берілді.

Жаңа спорт кешенде Ғұсман Қосановты еске алуға арналған ашық турнир өтті. Нысанның ашылуына қатысқан Ольга Рыпакова жылдың басты сыны - Азия ойындарына дайындалып жатқандығын айтты.

Ольга Рыпакова, Олимпиада чемпионы:

Дайындықты бастап кеттік. Қазір бәлкім екі қашықтықта сынға түсермін. Оны тек уақыт көрсетеді. Ең бастысы жақсы нәтиже көрсетіп жеңіс тұғырыннан көрінуі. Сол үшін бүгіннен бастап тер төгіп жатырмыз. Бұндай кешен ашылғанына қатты ризамын. Енді шетелге бармай ақ дайындықты өз жерімізде пысықтай беруге болады.

Индира БЕКТЕНОВА

Бөлісу