Кітап оқу адамның интеллектуалдық әлеуетін арттырады

Мемлекет басшысы зерделі ұлт қалыптастыру жолында кітаптың рөлін айқындап берді. Расында, кітап оқу қоғамның интеллектуалдық әлеуетін арттыратын негізгі құралдардың бірі. Әсіресе көркем әдебиет адамның сөздік қорын молайтып, ойын жүйелі жеткізуіне ықпал етеді. Ал тарихи және ғылыми еңбектер өткенді тануға, жаңа дүниені түсінуге мүмкіндік береді. Күнделікті ақпарат ағынынан бір сәт алыстап, бір шығармаға назар аудару ойды жинақтауға көмектеседі. Сондай-ақ кітап адамның рухани тірегі, дейді зиялы қауіп өкілдері.

Кітап оқу - ойлана білу. Оқырманның зердесін ояту. Ойланған адам, ойлы адам, оның әрекеті дұрыс болады. Оның алға қойған мақсаты дұрыс болады. Қазір қоғамда әдемі бір үрдіс пайда болды. Бұл құптарлық дүние. Бұл біздің руханиятымыздың, интелектуалды ұрпақтың қауіпсіздігі.