Азиада: Жүлдегерлер елге оралды

Жеңіл атлетикадан ХХ жазғы Азия ойындарының қола жүлдегері Полина Иванова елге оралды. Алматы әуежайынан спортшыны жанкүйерлері мен спорт саласының өкілдері қошеметпен күтіп алды. Полина Иванова Жапонияда өткен додада сырықпен секіруден 4 метр 35 сантиметр нәтижесімен қола жүлдеге ие болды. Бұл – Қазақстанның әйелдер арасындағы сырықпен секіруден Азия ойындарындағы тұңғыш жүлдесі. Айта кетсек, ХХ жазғы Азия ойындарын қазақстандық жеңіл атлеттер 6 жүлдемен қорытындылады. Сондай-ақ бірқатар спортшыларымыз үздік нәтижелерін тіркеп, жеке рекордтарын жаңартты.

Бәсекелестік өте мықты болды. Қытай, Жапония спортшылары жоғары нәтиже көрсетті. Қазақстан рекордын жаңарта алмасам да, қола медаль иелендім. Бұл – спорттағы алғашқы жүлдем, сондықтан мен үшін өте қымбат. Медаль алғаныма алғашында өзім де сене алмадым. Енді аздап демалып, қазан айында қысқы маусымға дайындықты бастаймыз.