БҚО-да ауылға барып, жұмыс істемеген жастар ₸36 млн-ды қайтарады

Ауылға барып, жұмыс істемеген жас мамандар алған қаражатын қайтаратын болды. Батыс Қазақстан облысы Жәнібек ауданында «Дипломмен – ауылға» бағдарламасымен қызметке тұрған 6 жас маман талапты орындамай, жұмыстан шығып кеткен.

Ал келісімшарт бойынша әлеуметтік қолдау алған мамандар елді мекенде кемінде бес жыл жұмыс істеуге міндетті. Заңсыздықты аудандық прокуратура анықтады. Сондай-ақ олар әлеуметтік қолдау ретінде алған 36 млн теңге бюджет қаражатын қайтармаған. Прокуратураның талап арызы сотта қанағаттандырылды. Қазір қаражатты мәжбүрлеп өндіріп алу үшін құжаттар сот орындаушыларына жолданған.