Астанада Ақаба процесінің саммиті өтіп жатыр

Астанада Ақаба процесінің саммиті өтіп жатыр. Биылғы жиын «Жасанды интеллект саласындағы қауіпсіздік» тақырыбына арналған. Саммитке Қазақстан Президенті Қасым-Жомарт Тоқаев, Иордания Королі ІІ Абдалла бен әл-Хусейн және Тәжікстан, Түрікменстан, Өзбекстан президенттері қатысып жатыр. Сонымен қатар Әзербайжан Ұлттық жиналысының спикері мен Қырғызстан Сыртқы істер министрі және басқа да ресми тұлғалар келген. Ақаба процесі – Иордания Королі 2015 жылы көтерген халықаралық бастама. Негізгі мақсаты – терроризм мен экстремизмге қарсы күресте елдердің күш-жігерін біріктіру. Осы алаңда ортақ қауіп-қатерлер талқыланып, оларға қарсы іс-қимыл шаралары үйлестіріледі.