Пхеньян жаңа әуе қорғанысы жүйесін сынақтан өткізді

Солтүстік Корея жаңа әуе қорғанысы жүйесін сынақтан өткізген. Бұған қоса Жапон теңізіне қарай бірнеше қанатты зымыран ұшырды. Пхеньян жаңа қару-жарақтың техникалық сипаттамаларын, оның нысананы табу, тану және бақылау мүмкіндігін тексерген. Сол күні алыс қашықтыққа арналған страгетиялық қанатты зымырандар бөлімшесі аэродромға соққы беру бойынша жаттығу өткізді. Бұл сынақтар Пхеньянның зымыран бағдарламасы күшейе түскен тұста өтіп отыр. Соңғы айда Солтүстік Корея 4 мәрте осындай маневр өткізді.