Барлық өңірде call-орталық жұмыс істейді

Медицинаға қатысты сұрақ туындаса, енді жауап іздеп сабылудың қажеті жоқ. Денсаулық сақтау министрлігі азаматтарға кеңес беретін сall-орталықтардың телефон нөмірлерін жариялады. Ведомствоның мәліметінше, орталықтарға қазірдің өзінде 3,5 мыңнан астам қоңырау түскен. Экранда көрсетілген нөмірлер арқылы дәрі-дәрмекпен қамту, емхана қызметі және медициналық көмекке қатысты сауалдарыңызға жауап алуға болады. Яғни, мәселе туындаса, тиісті маманға тікелей хабарласып, кеңес алу мүмкіндігі бар. Медициналық және фармацевтикалық бақылау комитеті бұл қызметтің басты мақсаты - халықпен кері байланысты күшейтіп, азаматтардың мәселесін жедел шешуге жәрдемдесу екенін еске салады.