Талдықорғанда білім үздіктерін марапаттады

Талдықорғанда Ұстаздар күні қарсаңында білім саласының майталмандары марапатталды. 350-ге жуық педагог «Құрмет» ордені, «Ерен еңбегі үшін» медалі және өзге де төсбелгілерге ие болды. Олардың арасында шәкірт тәрбиесін өмірлік ұстанымына айналдырған тәжірибелі мамандар да бар. Мерекелік жиында ұстаз еңбегінің ұрпақ тәрбиесіндегі маңызы атап өтілді. Ал ұстаздар қауымы педагогтерге көрсетіліп жатқан қолдаудың маңызына тоқталды. Мұғалімді кәсіби міндетіне қатысы жоқ жұмыстарға тартуға және негізсіз есептілік талап етуге жол берілмейді. Бұл – ұстаздардың еңбек құқығын қорғауға бағытталған нақты қадам.

Гүлжанар Еспанова, «Құрмет» орденінің иегері:

Бұл марапат тек қана маған ғана берілген марапат емес, бұл барлық ұстаздарға деген құрмет. Мемлекет басшымыздың өзі білімге үлкен көңіл бөлініп отыр, үлкен сенім айтып отыр. Сондықтан біздің Қазақстанымыздың болашағы бұл білімді жастардың қолында деп ойлаймыз.