Кореямен серіктестік: Экономика мен технологияның жаңа кезеңі

Қазақстан мен Оңтүстік Корея арасындағы стратегиялық серіктестік жаңа бағыттармен нығая түспек. Бұған дейін екі ел арасындағы экономикалық байланыста өнеркәсіп, инвестиция және бизнес салалары басым болса, енді туризм, жаңа технологиялар мен жасанды интеллектіге басымдық берілмек. Қазақстан стратегиялық зерттеулер институтының жетекші сарапшысы екі ел арасындағы ынтымақтастықтың нығаюына туризм саласы да серпін беретінін атап өтті. 

Бауыржан Әукен, ҚР Президенті жанындағы ҚСЗИ Азиялық зерттеулер бөлімінің жетекші сарапшысы:

Екі ел арасындағы тауар айналым өткен жылы 3 млрд АҚШ долларын көрсетсе, алдағы жылдары бұл көрсеткішті екі есе ұлғайтуға екі жақ келісім берген. Қазақстан мен Корея арасындағы ынтымақтастық тек өнеркәсіп, бизнес, инвестиция саласында ғана емес, туризм саласында да орнап отыр. Қазақстандықтар үшін Оңтүстік Кореяға визасыз режим орнатылған. Өткен жылы Оңтүстік Кореядан Қазақстанға 51 мыңнан аса турист келген болатын.