Босния-Герцеговинадағы өрт түтіні көрші елге жетті

Босния-Герцеговинада орман өрті қаулап, оның түтіні көршілес Хорватияға да жеткен. Хорваттың Далматия аймағында ауа сапасы нашарлады.

Жалпы алғанда, жақында Боснияда 25 мың гектар орман мен егістік алқабы күлге айналды. Жалынмен күрес үш күннен бері жалғасып жатыр. Өрт сөндірушілерге көмекке арнайы ұшақ пен қосымша бригада жөнелтілген.

Айта кетсек, Еуропа елдері  өрттерден енді ес жиып жатыр. Бұған дейін тілсіз жау Испанияда, Францияда, Грекияда, Балқан түбегінде ондаған мың гектар орманды жалмап, аймаққа орасан зиян келтірді.